Wednesday, December 22, 2010

Abhi baaki hai..!!

Dil ke tukde hazaar hue,
par 1001 abi baaki hai.
Dil toh humara toot gaya,
par dil mein dhadkan...abhi baaki hai!

Aankhon se ashq nikle toh kya,
aansuon ka sagar abhi baaki hai.
Humari khushi toh dard mein badal gayi,
par muskurahat abhi bhi baaki hai! :-)

Wo rooth kar chaley gaye toh kya?
unhe manana abhi baaki hai.
Mohabbat rooth gayi humse toh kya?
mohabbat ko samjhana abhi baaki hai!

Nafrat ki hadd toh humne dekh li,
chaahat ki hadd dikhana abhi baaki hai.
Dil toh humne de kar dekh lia,
lekin dil lena kisi ka abhi baaki hai!

Ishq ka sooraj toh chhup gaya,
"Naya Savera"... abhi baaki hai.
Tere dard se ye dil pathar ho gaya,
pathar pe gulaab ugaane ki aas...abhi baaki hai..!!!!

( Aakhir dil toh baccha hai ji....!) (*_*)