Monday, November 9, 2009

Main aklea

Main akela duniya mein
awara sa firta hoon,
kabhi idhar..kabhi udhar...
duniya ko dekhta rehta hoon.

Kitne chehre yahaan logon ke,
chehre ke upar chehra hai.
Maut ki vasiyat nikle toh
lagta mauka sunehra hai!!

Dooja jab humse neeche ho..
andar hi andar khushi hoti hai.
Koi humse aage nile toh..
dukh ki seems nahi hoti hai.

Agar doosra imaandaar rahe,
toh wo bevakoof hota hai.
Hum be-imaani bhi karein..
toh kehte hain "Itna chalta hai".

Doosre ki bhool pe hum
usko nahi chhodte hain.
par apni galti ho toh hum
usey sweekar bhi nahi karte hain.

"Paise ka sab khel hai"
Ye keh kar har koi nikal jaata hai.
Par humne agar doosre ka haq maara ho toh..
"Apne baap ka kya jaata hai?"

Jab tak dooje par beete
suni-ansuni ho jaati hai.
Jab aapan par beetan lage
toh naani yaad aa jaati hai!

Madad karne ko kabhi koi
haath na aage badhata hai.
Aur tadap-tadap kar insaan
yuhi andhere mein samaa jaata hai.

Isliye main akela firta hoon
matlab kisi se na rakhta hoon.
Bhaley, koi acchai na ho mujh mein
Bas! Burai main nahi karta hoon!!

9 comments:

pooja said...

good one yar!!!!!!! grt!!

Arpita said...

hi dear,first of all wanna tell you that I am a pooja yadav's school freind.
and secondly---
well written dear!!
it'z the reality of life..
nice dear go ahed..

dhawal said...

thanks a lot people...!!!
i am really overwhelmed..!!!!

kaustubh said...
This comment has been removed by the author.
kaustubh said...

ye tu likh raha hai!!!

kaustubh said...
This comment has been removed by the author.
dhawal said...

haan..main likh rha hu....
:-P

Anonymous said...

waiting for next post

Anonymous said...

When will you post again ? Been looking forward to this !